Anna Margrét er sálfræðingur hjá Mín líðan og veitir almenna sálfræðiþjónustu. Hún hefur starfað sem sálfræðingur frá 2011, bæði á Íslandi og í Danmörku. Hún er sérfræðingur í áfallasálfræði og sinnir greiningu, ráðgjöf og sálfræðimeðferð fyrir fullorðna og hefur víðtæka reynslu af meðferð áfalla, kvíða, depurðar og fjölþætts sálræns vanda.
Klínísk áherslusvið Önnu Margrétar eru áföll og afleiðingar þeirra, kvíða- og lyndisraskanir, langvarandi streita og kulnun, sorg og missir, sjálfsmynd, tilfinningastjórnun og vandi í nánum tengslum. Í meðferð leggur hún áherslu á að efla sálrænan sveigjanleika, sjálfsskilning og hæfni fólks til að takast á við erfiðar tilfinningar, reynslu og samskiptamynstur.
Anna Margrét leggur áherslu á hlýja, örugga og einstaklingsmiðaða meðferð. Meðferðarnálgun hennar byggist á samþættingu gagnreyndra og áfallamiðaðra aðferða og er löguð að þörfum og aðstæðum hvers og eins. Hún vinnur m.a. með EMDR, Emotionally Focused Individual Therapy (EFIT), Acceptance & Commitment Therapy (ACT), hugræna úrvinnslumeðferð (CPT), samkenndarmiðaða meðferð (CFT), núvitundarmiðaða hugræna meðferð (MBCT), núvitundarmiðaða streituminnkun (MBSR) og líkamsmiðaða áfallavinnu, þ.á.m. Somatic Experiencing (SE). Hún hefur einnig sótt framhaldsþjálfun í Internal Family Systems (IFS), tengslakenningum, tilfinningastjórnun og taugalíffræði áfalla.
Anna Margrét veitir jafnframt tilfinningamiðaða parameðferð (Emotionally Focused Couples Therapy, EFCT/EFT). Hún hefur lokið starfsþjálfun hjá Dansk Center for Emotionsfokuseret Terapi (DKCEFT) undir leiðsögn Jette Simon, klínísks sálfræðings og EFT-þjálfara og er skráð hjá miðstöðinni sem menntaður EFCT-parameðferðaraðili. Í parameðferð vinnur hún m.a. með tilfinningar, tengslamynstur, samskiptaerfiðleika og leiðir til að efla öryggi, nánd og gagnkvæman skilning í samböndum.
Hún hefur einnig reynslu af vinnu með langvarandi ágreining, tengslarof og skaðleg eða ofbeldisfull samskiptamynstur í nánum samböndum. Þegar vísbendingar eru um stjórnsemi eða ofbeldi leggur hún áherslu á faglegt öryggismat og að meðferðin taki mið af aðstæðum og öryggi þeirra sem í hlut eiga. Í þeirri vinnu nýtir hún meðal annars þekkingu á DARVO-mynstrinu, þar sem ábyrgð á skaðlegri hegðun er afneitað, ráðist er gegn þeim sem greinir frá henni og hlutverkum þolanda og geranda snúið við.
Anna hefur lokið 3 ára sérhæfingu í Psykotraumalogy og er einnig sérmenntaður stjórnendaþjálfi. Hún hefur auk þess menntun og reynslu á sviði réttarsálfræði, klínískra sálfræðimats, vinnu- og skipulagssálfræði, krísustjórnunar og stjórnendaþjálfunar. Hún hefur lokið Professional Diploma-námi í afbrotasálfræði og afbrotamannagreiningu og vettvangsgreiningu hjá The Forensic Criminology Institute. Þá hefur hún hlotið þjálfun í notkun persónuleika- og áhættumats, meðal annars MINI, SCID, SARA V3, NEO-PI-3, MMPI, PCL-R og HCR-20.
Hægt er að hafa samband við Önnu Margréti með því að senda tölvupóst á anna@minlidan.is.
